मातृदिना निमित्त

ओंजळीत तिच्या अनंत सागरे सामावतील..
माया एवढी कि त्यात अनंत ब्रम्हांड बुडतील..
सहस्त्र सुर्यांहून हि तेजस्वी जिचा तेज..
अवघे विश्व जिच्या मुळे विद्यमान आहे..
देवा सारखी किंबहुना देवा पेक्षा हि मोठी जिची ममता..
जन्म देण्याचा सर्वश्रेष्ठ अधिकार देवा नंतर तिलाच आहे..
बलिदाना पेक्षा हि मोठे बलिदान देण्यास जी सक्षम आहे..
लेकरा साठी मृत्यूशी सुद्धा दोन हाथ करण्या इतकी ती भक्कम आहे..
ममतेच्या साध्या पदरा खाली लेकराचे अवघे आयुष्य घडविणारी ती..
वात्सल्यपूर्ण जिच्या स्पर्शमात्राने मोठ-मोठे दुखणे हरणारी ती..
होय तीच..
जिला कुणी आई म्हणते..
कुणी माता म्हणते..
कुणी Mommy म्हणते तर कुणी अम्मी म्हणते..
कुणी जननी म्हणते तर कुणी जन्मदात्री म्हणते..
नाव वेग-वेगळे पण रूप मात्र एकंच..
ममतेचं.. मायेचं.. वात्सल्याचं..
अश्या पवित्र मातृत्वाला आणि सर्व वात्सल्यमयी मातांना माझे सहृदय शत शत नमन __/\__..
मातृदिना निमित्त माझ्या सर्व मित्रांच्या मातांना खूप खूप शुभेच्छा.. आपण सगळ्या माता जगातल्या सर्वात सुंदर स्त्रिया आहात.. आपण जरी मला जन्म दिला नसला तरी आपणा मुळेच मला इतके छान मित्र-मैत्रिणी लाभले आहेत.. आपल्या विना ह्या जगाची कल्पना कुणीच करू शकत नाही..
आम्हाला जन्म दिल्या बद्दल आणि आमचे पालनपोषण केल्या बद्दल मी आपले आभार नाही मानणार.. कारण आभार मानून मला आपल्या नात्यात परकेपणा नाही आणायचा.. हे एक असे ऋण आहे जे १० जन्मात सुद्धा फेडता येणार नाही.. फक्त एवढंच सांगतो कि आपल्या बद्दल माझ्या मनात असलेला आदर आणि अफाट प्रेम हे सदैव ऐसेच राहील किंबहुना वाढेल पण कमी होणार नाही..

Happy Mother's Day Everyone..

-भूषण जोशी

दडपण ठेवू नकोस..

दडपण ठेवू नकोस.. 

 

रुसुनी कुणावर काय साधते तू..
मनात काय ते सांगून टाकावे..
जीवन अवघे हे दोन क्षणांचे..
वैर धरून का व्यर्थ करावे..

 

अबोल तुझा स्वभाव जरी गं..
दडपण तरी का हृदयी असावे..
बोलुनी कुंठा तुझिया मना तू..
दुख-पाषातून मुक्त करावे..

                                                               -भूषण जोशी

ठेच लागलेला..

ठेच लागलेला..

सुंदर तुझिया नयनांची मज..
नयनांशी गं पेच लागली..
रूप खरे सामोरी येता..
हृदयाला जणू ठेच लागली.. 

 

सुंदर किती जरी जग दिसते..
कळले मज ते भ्रामक असते..
भोळे मन बघुनी सुंदरता...
नकळत सदा जाळ्यात फसते.. 

 

आयुष्यात काही लोकांना भेटल्या नंतर एका कथनाची शाश्वती होते ते म्हणजे "सुंदर दिसणे आणि सुंदर असणे ह्यात खूप फरक असतो" खरे आहे.. अश्याच काही खूप सुंदर दिसणाऱ्या आणि गोड बोलणाऱ्या लोकांना भेटून हा विचार मनात आला आणि हे कथन पटले.. असो.. देव त्यांना सद्बुद्धि देवो.. आपण मात्र आपल्या परीने प्रामाणिक राहायला हवं.. बोलण्यात आणि वागण्यात कधीही गफलत व्हायला नको..

-भूषण जोशी

 

अभिमान माझ्या मी असण्याचा..

अभिमान माझ्या मी असण्याचा..

 

सूर्यास्त पहात मी उभा सागरात..
पसरवूनिया हात जणू मिठीत घेतो..
लाटेवर लाट जरी करते आघात..
सागर अवघा जणू मुठीत घेतो..

 

विश्वास माझा माझ्यावर तो ऐसा..
निराशेची ठिणगी पडताच विजवितो..
अभिमान मजला माझ्या मी असण्याचा..
हृदयात अवघे हे जग सामावितो..

                                                                                -भूषण जोशी

"विचार माझे कुठे हरवले.. "

"विचार माझे कुठे हरवले.. "

 

शब्द का रुसले माझ्यावर..
लेखन माझे कुणी पळवले..
सुचे न काही किती चिंतुनी..
विचार माझे कुठे हरवले..

 

मित्रवत मज विचार माझे..
नकळत माझ्या कुणी लपविले..
निराशेची ठिणगी पडता..
असतील का ते जळूनी गेले.. 

 

शोधूनी मज ते सापडतील का..
महत्व मज त्यांचे जाणवले..
माझेच होते का सोडूनी गेले..
विचार माझे कुठे हरवले..

                                                              -भूषण जोशी

"जन्मदिवस.."

"जन्मदिवस.."

 

जन्मदिवस सुरुवात निज जीवनाची..
जन्मदिवस सुरुवात आईच्या आईपणाची..

 

आनंदाने प्रफुल्लित बापाच्या मनाची..
कुळास वाढविणार्या नवीन वंशांकुराची..

 

सुरुवात आजोबांच्या पुनर्जन्माची....
सुरुवात आजीच्या नवीन वात्सल्याची....

 

दिवस मोठा खरा तो आई साठी..
अविस्मरणीय आनंद तो बापा साठी..

 

साक्षीदार क्षण तो दोघांच्या प्रेमाचा..
कारण तो दोघांना जगण्या साठी..

                                                                         -भूषण जोशी

"आईस देव जाणावे… "

"आई सोबत प्रत्येकाचच खूप घट्ट नातं असते.. ह्या प्रेमाला शब्दात मांडता येत नाही.."

 

"आईस देव जाणावे… " 

 

देवास सदा मी शोधू पाही..
सदेह देव मज दिसलाच नाही..

 

मनी चिंतिले चुकले का काही..
उत्तर मिळालं होय! खूप काही..

 

अरे जयास शोधीशी तू ठाई ठाई..
ती तुझीच जन्मदाती आई..

 

देवा आधी आईस पूजावे..
नंतर विट्ठल नाम गावे..

 

आधी चरणस्पर्श तिचे करावे..
मग देवा पुढे शिष नमवावे..

 

पटले मज माझ्या मनाचे..
जणू बोल होते तेची देवाचे..

 

देवदर्शन मज तेथेची जाहले..
जेथे पडती आईची पाऊले..

 

आई मज जगी सर्वोपरी..
तया चरणीच माझी पंढरी..

                                                           -भूषण जोशी