"रेखुनी ऐसे स्वतः पाहतो मी.. "

"रेखुनी ऐसे स्वतः पाहतो मी.. "

रेखुनी मज मी जेव्हा बघितले..
गुणदोष माझे मज तेव्हा उमगले..
पाहूनी मजला मज काही कळेना..
वर्णावे कैसे मज काही सुचेना.. 

वैचारिक मुद्रा माझी ती निराळी..
गांभीर्य डोळ्यात दिसते रसाळी..
वेध भविष्याचा जणू लावितो मी..
रेखुनी ऐसे स्वतः पाहतो मी.. 

साधे सरळ हेचि माझे रहाणे..
थेट लक्ष्यास सदा माझे पहाणे..
डोळे असे जणू लक्ष्य भेदितो मी..
रेखुनी ऐसे स्वतः पाहतो मी.. 

मेषेचा जातक मंगल माझा स्वामी..
उष्ण थोडा पण तितकाच खरा मी..
अकारण कधी न कुणास दुखवितो मी..
रेखुनी ऐसे स्वतः पाहतो मी.. 

मैत्रीत जिव्हाळा अवघ्यास लावतो मी..
ऐसाच मित्र माझ्यात शोधतो मी..
माणसात देव सदा देखितो मी..
रेखुनी ऐसे स्वतः पाहतो मी..
रेखुनी ऐसे स्वतः पाहतो मी..

                                                             -भूषण जोशी

जागतिक पितृदिना निमित्त - "बाबास का विसरतो.."

"बाबास का विसरतो.."

 

आई आई करतो पण बाबास का विसरतो..
आई ती जन्मदायी तिला बाबाच आधार देई..
पहिले-वहिले चालणे ते बाबाच तर शिकवतो..
आई आई करतो पण बाबास का विसरतो.. 

 

खांद्या वर घेवूनी सदा तो बाबाच तर फिरतो..
आपुले पोट भरावे म्हणून मर-मर तोच करतो..
भावना त्याला हि असतात ज्या मनात तो दडप्तो ..
आई आई करतो पण बाबास का विसरतो.. 

 

कधी-कधी ओरडतो पण काळजी तितकीच करतो..
ओरडण्या माघे तयाच्या प्रेम सदा विचरतो..
आई जरी आसरा तरी आधार बाबाच असतो..
आई आई करतो पण बाबास का विसरतो..

                                                                         -भूषण जोशी

"आयुष्य कधीकधी..."

"आयुष्य कधीकधी..."

 

कधीकधी आयुष्य वळण का घेते..
नकळत कुणी का आयुष्यात येते..
स्फूर्ती जणू अंगात भरते..
बिगडलेले जे अलगत सुधरते.. 

 

आलेले कुणी का निघून हि जाते..
डोळ्यात टिपूस का देऊन हि जाते..
आठवणींच्या जाळ्या मध्ये..
मनास कुणी का अडकवून हि जाते.. 

 

ऐसेच हे आयुष्य का असते..
प्रेम जयावर तेच आपले का नसते..
जीव ओतुनी जयावर देतो..
ओंजळ तयांचेच फाटके का असते..

                                                         -भूषण जोशी

"कविता"

"कविता"

 

कवितेचे जग अद्भुत असते..
दिसते जे नेहमी तेच नसते..
नसते ते नसून हि दिसते..
काही असून नसते, काही नसून असते..

 

कविता मनाची उंच भरारी..
कविता सागराहून गहरी..
संत भाव अनंत ब्रम्हांडी..
अर्थ ऐसा तिचा विस्तारी.. 

 

कविता जणू भावना रसाळी..
मधुगन्धित शब्दांच्या ओळी..
वैचारिक मन्थनि प्रगटती..
भरिती चैतन्याची झोळी..

                                                     -भूषण जोशी

मातृदिना निमित्त

ओंजळीत तिच्या अनंत सागरे सामावतील..
माया एवढी कि त्यात अनंत ब्रम्हांड बुडतील..
सहस्त्र सुर्यांहून हि तेजस्वी जिचा तेज..
अवघे विश्व जिच्या मुळे विद्यमान आहे..
देवा सारखी किंबहुना देवा पेक्षा हि मोठी जिची ममता..
जन्म देण्याचा सर्वश्रेष्ठ अधिकार देवा नंतर तिलाच आहे..
बलिदाना पेक्षा हि मोठे बलिदान देण्यास जी सक्षम आहे..
लेकरा साठी मृत्यूशी सुद्धा दोन हाथ करण्या इतकी ती भक्कम आहे..
ममतेच्या साध्या पदरा खाली लेकराचे अवघे आयुष्य घडविणारी ती..
वात्सल्यपूर्ण जिच्या स्पर्शमात्राने मोठ-मोठे दुखणे हरणारी ती..
होय तीच..
जिला कुणी आई म्हणते..
कुणी माता म्हणते..
कुणी Mommy म्हणते तर कुणी अम्मी म्हणते..
कुणी जननी म्हणते तर कुणी जन्मदात्री म्हणते..
नाव वेग-वेगळे पण रूप मात्र एकंच..
ममतेचं.. मायेचं.. वात्सल्याचं..
अश्या पवित्र मातृत्वाला आणि सर्व वात्सल्यमयी मातांना माझे सहृदय शत शत नमन __/\__..
मातृदिना निमित्त माझ्या सर्व मित्रांच्या मातांना खूप खूप शुभेच्छा.. आपण सगळ्या माता जगातल्या सर्वात सुंदर स्त्रिया आहात.. आपण जरी मला जन्म दिला नसला तरी आपणा मुळेच मला इतके छान मित्र-मैत्रिणी लाभले आहेत.. आपल्या विना ह्या जगाची कल्पना कुणीच करू शकत नाही..
आम्हाला जन्म दिल्या बद्दल आणि आमचे पालनपोषण केल्या बद्दल मी आपले आभार नाही मानणार.. कारण आभार मानून मला आपल्या नात्यात परकेपणा नाही आणायचा.. हे एक असे ऋण आहे जे १० जन्मात सुद्धा फेडता येणार नाही.. फक्त एवढंच सांगतो कि आपल्या बद्दल माझ्या मनात असलेला आदर आणि अफाट प्रेम हे सदैव ऐसेच राहील किंबहुना वाढेल पण कमी होणार नाही..

Happy Mother's Day Everyone..

-भूषण जोशी

दडपण ठेवू नकोस..

दडपण ठेवू नकोस.. 

 

रुसुनी कुणावर काय साधते तू..
मनात काय ते सांगून टाकावे..
जीवन अवघे हे दोन क्षणांचे..
वैर धरून का व्यर्थ करावे..

 

अबोल तुझा स्वभाव जरी गं..
दडपण तरी का हृदयी असावे..
बोलुनी कुंठा तुझिया मना तू..
दुख-पाषातून मुक्त करावे..

                                                               -भूषण जोशी

ठेच लागलेला..

ठेच लागलेला..

सुंदर तुझिया नयनांची मज..
नयनांशी गं पेच लागली..
रूप खरे सामोरी येता..
हृदयाला जणू ठेच लागली.. 

 

सुंदर किती जरी जग दिसते..
कळले मज ते भ्रामक असते..
भोळे मन बघुनी सुंदरता...
नकळत सदा जाळ्यात फसते.. 

 

आयुष्यात काही लोकांना भेटल्या नंतर एका कथनाची शाश्वती होते ते म्हणजे "सुंदर दिसणे आणि सुंदर असणे ह्यात खूप फरक असतो" खरे आहे.. अश्याच काही खूप सुंदर दिसणाऱ्या आणि गोड बोलणाऱ्या लोकांना भेटून हा विचार मनात आला आणि हे कथन पटले.. असो.. देव त्यांना सद्बुद्धि देवो.. आपण मात्र आपल्या परीने प्रामाणिक राहायला हवं.. बोलण्यात आणि वागण्यात कधीही गफलत व्हायला नको..

-भूषण जोशी