"रेखुनी ऐसे स्वतः पाहतो मी.. "

"रेखुनी ऐसे स्वतः पाहतो मी.. "

रेखुनी मज मी जेव्हा बघितले..
गुणदोष माझे मज तेव्हा उमगले..
पाहूनी मजला मज काही कळेना..
वर्णावे कैसे मज काही सुचेना.. 

वैचारिक मुद्रा माझी ती निराळी..
गांभीर्य डोळ्यात दिसते रसाळी..
वेध भविष्याचा जणू लावितो मी..
रेखुनी ऐसे स्वतः पाहतो मी.. 

साधे सरळ हेचि माझे रहाणे..
थेट लक्ष्यास सदा माझे पहाणे..
डोळे असे जणू लक्ष्य भेदितो मी..
रेखुनी ऐसे स्वतः पाहतो मी.. 

मेषेचा जातक मंगल माझा स्वामी..
उष्ण थोडा पण तितकाच खरा मी..
अकारण कधी न कुणास दुखवितो मी..
रेखुनी ऐसे स्वतः पाहतो मी.. 

मैत्रीत जिव्हाळा अवघ्यास लावतो मी..
ऐसाच मित्र माझ्यात शोधतो मी..
माणसात देव सदा देखितो मी..
रेखुनी ऐसे स्वतः पाहतो मी..
रेखुनी ऐसे स्वतः पाहतो मी..

                                                             -भूषण जोशी