"विचार-भूषण..": सखी अशी एक मजला मिळाली..

Monday 24 August 2015

सखी अशी एक मजला मिळाली..

स्फूर्ती जणू मज जीवनात आली..

नाव मधु स्वभाव मधु तिचा..

मधुर मैत्रीची सुरुवात झाली..

एकटीच ती राहते स्वावलंबी..

लढली सदा ती कठीण प्रसंगी..

कुणी नव्हे ह्या जगात तिचे तरी..

जिंकली सदा ती तिच्याच संगी..

ओळखुनी तिला स्तब्ध मी झालो..

ऐकुनी तिला मुग्ध मी झालो..

सखी जणू मज गुरु सारखी ती..

प्रशंसा करुनी निशब्द मी झालो..

साधी सरळ तुझिया छवी गं..

सखी अशी प्रत्येकास हवी गं..

भाग्यवान मी माझी सखी तू..

वर्णितो तुज मी खूप छोटा कवी गं..

-भूषण जोशी

"विचार-भूषण.."