आई रेणुका..

आई रेणुका स्मरुनि तुला...
जणू स्वर्ग येथेचि लाभला...
बघुनी तुला भजुनि तुला..
हा जन्म सार्थक जाहला..

जगदंब अंब तू अंबिका...
माहूर निवासिनी रेणुका..
तुझिया कृपा अवघ्या जगा..
जगताची तू जगदंबिका...

आई तुझे मी लेकरू..
नवसाने तुझिया जन्मलो..
मजला सदा ग तू तारिले..
मृत्यूशी जेव्हा झुंजलो..

आयुष्य माझे मी जरी..
अवघे तुला अर्पण करी..
उपकार एकही फेडणे...
न शक्य आहे मज तरी..

जागा तुझी ह्या निजमनि..
अविचल असेन ग माउली..
वरदे सदा जीवन उन्हा..
लाभेल तुझिया सावली..

वरदे सदा जीवन उन्हा..
लाभेल तुझिया सावली..

         ___/|\___
रेणुकाभक्त- भूषण जोशी