"आलो जवळ तरी का आपण.."
आलो जवळ तरी का आपण..
न भेटुनी कधी जरी..
सदा गुंतलो आणि हरपलो..
पार खोल मनी अंतरी..
नकळत आयुष्यात अलीस तू..
नकळत माझी झालीस तू..
न कधी मज भेटलीस तू..
न कधी मज दिसलीस तू...
न कधी तुज पाहिले ग मी..
न कधी तुज स्पर्षिले ग मी..
सदा तुज ऐकिले ग मी..
सदा तुज बोलले ग मी..
सदा तुज लिहिले ग मी..
सदा तुज वाचिले ग मी..
कल्पनेत तुज आणले ग मी..
स्वप्नात तुज कल्पिले ग मी..
खरी असली तरी कल्पनाच तू..
माझ्यातली प्रेम भावनाच तू..
न जीवनभराची साथ आपुली..
न पति-पत्नीची जात आपुली..
आवड तरी ही तुच माझी..
निवड तरी ही तुच माझी..
न भेटलीस मज जरी तू..
तरी राहशील तुच माझी..
-भूषण जोशी
No comments:
Post a Comment